Пеп продолжува со трошењето: Дефанзивецот резервиран за јануари?

Тренерот на Манчестер Сити, Пеп Гвардиола пронајде ново засилување.

Како што пренесуваат шпанските медиуми, на „Етихад“ во јануари би можело да пристигне дефанзивецот на Бетис, Жуниор Фирпо. Овој 22-годишен фудбалер игра одлично во тимот од Севиља, откако шанса за игра доби во минатата сезона. Примарна позиција му е лев бек, а многу лесно може да игра и по крило, но и како стопер.

Способноста да игра на повеќе позиции го привлече вниманието на многу клубови, а за сега „Граѓаните“ се тие кои покажуваат најголем интерес. Жуниор би можел да чини многу пари. Бетис за неговите услуги бара дури 60 милиони евра и сопствениците на Сити ќе мораат да го отворат кесето доколку сакаат да му исполнат уште една желба на Гвардиола.

Фирпо е роден во Доминиканската Република, но го носи дресот на селекцијата на Шпанија. Член е на Бетис од 2014. година.