Адеми прави трансфер на кариерата – се сели во Франција

Македонскиот репрезентативец и член на Динамо Загреб, Аријан Адеми во последниот ден од преодниот рок најверојатно сепак ќе заврши во францускиот шампионат.

Имено, раководството на Лил е сериозно заинтересирани за услугите на Адеми и во текот на вчерашниот ден испрати понуда од 7,5 милиони евра. Хрватските медиуми пренесуваат дека Динамо е спремен да ја прифати понудата па многу е веројатно Македонецот во текот на денешниот ден да го комплетира трансферот.

Динамо најпрво одбил две понуди, но Лил не се откажал и ја зголемил понудата на 6,5 милиони евра плус 1 милион како бонуси, што ќе ги задоволи апетитите на хрватскиот клуб.

27-годишниот македонски репрезентативец цели 8 години е член на Динамо Загреб, и токму денес би можел да го напушти „Максимир“ и да се пресели во Франција.