Милан ја стартува операцијата „Дракслер“ – можна размена со ПСЖ!

На почетокот изгледаше како луда идеја, но Милан навистина има намера да ја претвори во реалност. Бордот директори на Милан ја започна операцијата „Дракслер“.

Милански „Спорт Медијасет“ тврди дека првата идеја била размена Рикардо Родригез – Јулијан Дракслер. Томас Тухел наводно го означил швајцарскиот фудбалер како еден од играчите кој би требало да биде приоритет за левата бековска позиција. Таа позиција во овој момент во ПСЖ ја покрива само Лејван Курзава.

Но, тука се наидува на проблем. Родригез во овој момент не сака да го напушти Милан и сака да се бори со новајлијата Иван Стриниќ за своето место во тимот.

Од друга страна пак Родригез во Милано во овој момент заработува околу два милиони евра и има договор до јуни 2021 година. ПСЖ е спремен да му понуди три пати повеќе и стандарнот место во првите 11.

Кога е Дракслер во прашање, тој е веќе е отпишан кај Тухел, поради тоа „светците“ се спремни да ги преслушаат понудите. Иако финансиски понудата на Милан не е најдобра, ПСЖ од ситуацијата би можел да извлече максимум. Бидејќи францускиот шампион има проблем поради ФФП (финансискиот фер-плеј) и нема премногу голема сума на располагање.

Гатузо пак е во потрага по играч кој би играл офанзивно веднаш зад напаѓачите.

Медиумите во Италија пишуваат и дека паралелно со оваа зделка се приведува кон крај и трансферот на Бакајоко од Челзи. Тука се очекува да станува збор за позајмица со право на откуп за 35 милиони евра.