Милан одби 40 милиони за младата ѕвезда

Италијанските медиуми пренесуваат дека Милан одбил понуда од 40 милиони евра за младиот играч за врска Франк Кеси.

21-годишниот играч за врска пристигна во Милан минатото лето за 28 милиони евра од Аталанта и веднаш се наметна како незаменлив дел од стартниот тим.

Кеси одигра фантастична сезона, а тоа не остана незабележано кај многу европски клубови.

„Скај Италија“ пренесува дека Вулверхемптон доставил понуда од 40 милиони евра, која експресно била одбиена од страна на „росонерите“. Интерес за играчот покажуваат уште Атлетико Мадрид и Евертон.

Милан не ни помислува да се раздели со Кеси и подготвува нов договор, кој треба да биде потпишан по завршувањето на преодниот рок.

Wolverhampton offered €40M to sign Kessie but it have been turned down. Everton and Atletico Madrid have inquired about him as well but Franck wants to stay at Milan [Sky] pic.twitter.com/zsNAvIBETa

— Milan Eye (@MilanEye) August 7, 2018