Официјално: Габијадини го засили Саутемптон!

Италијанскиот напаѓач Маноло Габијадини во последните моменти од преодниот рок го комплетираше трансферот од Наполи во Саутемптон.

Повремениот италијански репрезентативец, Габијадини, незадоволен од третманот во Наполи, реши да ја прифати понудата на Саутемптон и да се пресели во Премиерлигата.

Напаѓачот кој сезонава постигна пет голови на 19 натпревари во тимот на Наполи, за сума од 16 милиони евра замина во Саутемптон.

25-годишниот фудбалер во кариерата играше во Аталанта, Цитадела, Болоња и Сампдорија, а има одиграно и шест натпревари за репрезентацијата на Италија.