Иван Перишиќ за прв пат јавно за случајот „Калиниќ“: Таа вечер не можев да спијам…

Никола Калиниќ ќе остане запаметен како еден од најголемите трагичари на светските првенства.

Селекцијата на Хрватска во Русија стигна до финалето на Мундијалот, но Калиниќ поради одбивањето да влезе во игра во првиот натпревар натпреварите ги следеше на ТВ.

Сега прв од неговите соиграчи кој јавно проговори за таквиот потег на Калиниќ е Иван Перишиќ.

„Кале е мој најдобар пријател и мене лично тоа многу ме погоди. Таа ноќ кога беше донесена одлуката спиев можеби само час или два. Не можав да заспијам поради неровоза. Знам каков е Никола Калиниќ и како и грач и како човек. Ми беше навистина тешко“.

„Многу добро ја познавам неговата историја во репрезентацијата и знам што се му правеа тренерите. Искрено, доколку мене ми се случуваше тоа низ што тој помина, можеби би пукнал и пред него. Но како и да е, мислам дека сепак Кале избра погрешен момент“, изјави Перишиќ.