Фудбалерот кој важеше за голема надеж на Милан го избра новиот клуб

Mануел Локатели до неодаман важеше за момче кое е иднината на италијанскиот фудбал, но за него сега нема место во Милан.

Младиот 20 годишен Локатели ќе го промени клубот ова лето.

За него нема место на средината на теренот на Милан, а за неговиот развој веројатно најдобро е да премине во клуб со послабо реноме каде што би бил стандарден.

Серија А е приоритет, иако имаше понуди и од Примера, а според некои најави од Италија избрал каде ќе ја продолжи кариерата.

Сасуоло би можел да биде неговиот нареден клуб. Како причина за неговиот избор се наведува тоа што овој клуб важи за вистинска дестинација за младите играчи.

Италијанскиот клуб има намера целосно да го откупи неговиот договор, но засега суми не се споменуваат.