Реал подготви замена за Роналдо, пристигнува од Островот!

Реал Мадрид не бараше долго време замена за Роналдо кој веќе ги договорил сите услови околу трансферот во Јувентус.

Како што пишува „ОК Дајари“, а пренесува „Калчомеркато“, Реал размислува за можноста да го доведе фудбалерот на Манчестер Јунајтед, Маркус Рашфорд. Англискиот репрезентативец не се наоѓа во првиот план кај Мурињо и веќе се шпекулираше за тоа дека 20-годишниот крилен напаѓач привремено би можел да го напушти „Олд Трафорд“ за да добие минутажа.

Изгледа дека Реал во него гледа она што Португалецот не го гледа и сака да го доведе заедно со Мбапе, со кого би правеле супер брз напад на Реал во следната деценија. Доколку остане и Герет Бејл, тоа би можело да значи и најбрзото трио на напаѓачи во светот на фудбалот, но засега се прашува само клубот од „Олд Трафорд“.