Јовиќ : Tешка група во која ние ќе бидеме со убедливо најмлад состав

Металург  ги дозна своите противници во групната фаза на Лигата на шампионите, каде ќе се соочи со екипите на Бјерингбро (Данска), Спортинг (Португалија), Бешикташ (Турција), Чеховски Медведи (Русија) и Татран Прешов (Словачка).

Својот коментар го даде Александар Јовиќ, тренерот на клубот од Автокоманда :

“Се работи за тешка група во која повеќе екипи ќе атакуваат на првите две позиции, кои водат во следната плејоф-фаза. Како фаворити ги гледам екипите на Бјерингбро и на Спортинг Лисабон, но не помалку тешки ќе бидат и дуелите со преостанатите три екипи. Металург во оваа конкуренција ќе настапи со убедливо најмлад тим и секој освоен бод ќе биде и успех и задоволство. Се уште ја немаме комплетирано екипата, па, меѓу другото, и од тоа ќе зависи со какви амбиции ќе ја стартуваме групната фаза“, вели Јовиќ.