Колумбија во проблем: Против Англија без најдобриот?

Репрезентацијата на Колумбија стравува поради повреда на својот најдобар фудбалер.

Колумбијците со победата против Сенегал обезбедија пласман во нокаут фазата, каде што за ривал ја добија селекцијата на Англија.

Сепак, уште во првото полувреме со Сенегалците натпреварот мораше да го напушти најдобриот фудбалер на оваа екипа, Хамес Родригез.

„Не е е пријатно, не знаеме на што сме. Хамес работеше максимално на последниот тренинг, немаше никакви знаци дека нешто не е во ред“, изјави селекторот Хозе Пекерман.

Колумбија го победи Сенегал со 1:0 и така се избори за место во осминафиналето на Светското првенство.

Родригез беше најдобар стрелец на минатиот Мундијал, а со Сенегал беше заменет во 31 минута од натпреварот.

Во осминафиналето Колумбијците ќе се сретнат со селекцијата на Англија на 3 јули во Москва.