Рома ги договори личните услови, но дали очекуваше „ДА“ со ваква понуда?

„Волчицата“ е заинтересирана за младиот фудбалер на Ајакс, но сумата била „смешна“ според мислењето на клубот од Амстердам.

Џастин Клајверт се наоѓа на мета на Рома и тоа веќе е добро познато, а конечно Рома ја започна офанзивата.

Првиот напад не беше баш најдобар.

Рома веќе ги договори личните услови со младиот фудбалер, кој се согласи на трансфер во Рим, но првата понуда која пристигна во Амстердам според холандскиот клуб не изгледала сериозно.

Имено, Италијанците за услугите на младиот Клајверт понудиле 10 милиони евра. Ваква понуда не очекуваа во Ајакс, па јасно е без никакво размислување истата била одбиена.

Клајверт освен на Рома се наоѓа на мета на уште неколку европски клубови, па во Ајакс добро знаат дека од него можат да профитираат многу повеќе.