Првото засилување на Јунајтед утре пристигнува на прегледи!

Англискиот гигант Манчестер Јунајтед го договори првото засилување, а станува збор за играчот за врска на Шахтјор, Бразилецот Фред.

25-годишниот фудбалер во моментов се наоѓа во Англија заедно со бразилската репрезентација, која вечерва ќе игра пријателски меч со Хрватска.

По дуелот Фред ќе отпатува за Манчестер, за да ги помине медицинските тестови, по што ќе го потпише четиригодишен договор.

Украинскиот шампион Шахтјор ќе добие 50 милиони евра, а целиот трансфер со бонуси може да достигне до 60 милиони евра.