Знае ли Бензема нешто повеќе за заминувањето на Зидан?

После две ипол сезони и освоени девет трофеи, Зидан ги шокираше сите со заминувањето од клубот и Кралевите сега бараат негова замена.

Играчите секој на свој начин се опрости од Зидан, а посебно емотивен беше францускиот фудбалер Карим Бензема.

„Немав задоволство да играм со тебе брате, но имав голема чест да ми бидеш тренер. Ти благодарам од срце за се што направи за мене. Среќно каде и да бидеш и можеби наскоро ќе се видиме.“ – напиша Бензема.

Дали последната реченица значи дека Бензема знае каде Зидан ќе ја продолжи кариерата, останува да се види, а славниот стручњак е главен кандидат за клупата на француската репрезентација.