Конте прави изненадувачки трансфер!

Челзи ќе се обиде во зимскиот преоден рок да го донесе шпанскиот напаѓач Фернандо Љоренте, пренесуваат англиските медиуми.

Медиумите тврдат дека Конте веќе го контактирал поранешниот играч на Јувентус и го сака во својот тим како „џокер“ до крајот на сезоната.

Конте одлично ги познава квалитетите на Баскиецот бидејќи заедно соработуваа две години во Јувентус и заедно освоија две титули во Серија А.

Љоренте минатото лето пристигна во Свонси и одлично се снајде во Премиер лигата, каде на 17 натпревари постигна 6 гола, а италијанскиот стратег смета дека во тимот му е потребен таков корпулентен напаѓач.