Клоп: Реал е фаворит бидејќи го има Роналдо!

Менаџерот на Ливерпул, Јирген Клоп му ја препушти фаворитската улога на Реал Мадрид пред големото финале во Лига на шампиони.

Германецот како главни адути на „кралевите“ ги наведе искуството и Кристиано Роналдо.

„Да, тие се фаворити. Тие знаат сè, може да напишат свое сценарио, бидејќи освоија четири пати во последните пет години. Немам проблем со оваа ситуација и не се чувствувам како аутсајдер. Реал е тим со огромни квалитети и тргнува за трета последователна титула, но ние ние сме Ливерпул и ова не треба да се заборави“, изјави Клоп.

„Салах имаше фантастичан сезона, но Кристиано има 15 такви сезони. Неговата статистика е неверојатна, тој е на врвот околу 15 години и постигнал 47.000 гола, но не сакам да правам споредби меѓу играчи. Кога Пеле беше на врвот, луѓето не го споредуваа со другите. Тие само мислеа дека тој е најдобар и му се радуваа. Сега ги имаме Меси и Роналдо. Нивните награди се целосно заслужени, и кога ќе престанат да играа, ќе ни недостигаат“, заклучи Германецот.