За прв пат оваа сезона и тоа баш пред финалето: Реал со сите сили против Ливерпул!

Финалето во Лигата на шампионите сите играчи на Реал Мадрид ќе го дочекаат спремни и тоа ќе биде прв таков случај оваа сезона!

За прв пат оваа сезона Реал Мадрид нема да има проблеми со повредите на своите играчи во еден натпревар и тоа токму за финалето во Лигата на шампионите.
Одлична вест за Зинедин Зидан кој повеќе нема главоболки поради повредите на своите играчи, туку е ставен на „слатки маки“ кога се сите позоции во прашање.

Во текот на оваа сезона во Реал вкупно имаше 36 повреди, дури 20 играчи барем еднаш беа повредени во текот на сезоната. Единствени кои останаа неповредени целата сезона се Касемиро, Мајорал, Касиља и Хакими.

Секоја недела беше барем еден повреден, а на голема среќа за Зинедин Зидан сите негови фудбалери ќе конкурираат за финалето во Лигата на шампионите.