Валенсија носи големо засилување од Челзи

Играчот за врска на Челзи, Џон Оби Микел кариерата најверојатно ќе ја продолжи во Примера во дресот на Валенсија.

Договорот на Нигериецот истекува на крајот на сезоната, а со оглед на фактот дека не е во плановите на Конте, Челзи му дозволи да си најде нов клуб.

Како што пренесуваат шпанските медиуми, Оби Микел веќе започнал преговори со Валенија и набрзо би можел да се пресели во Шпанија.

„Се сретнав со Микел во Лондон пред Божиќ. Побарав дозвола од Челзи да разговарам со него и ја разгледувавме можноста да дојде во Валенсија. Преговорите сеуште траат“, потврди директорот на Валенсија, Хесус Гарсија.

Покрај Валенсија силен интерес за Микел покажува и Олимпик Марсеј како и некои кинески клубови.