БОМБА од Шпанија: Атлетико се договори со Кавани

Каталонскиот весник „Мундо Депортиво“ лансираше вистинска „бомба“ и објави дека Атлетико Мадрид постигнал договор со напаѓачот на ПСЖ, Едисон Кавани.

„Јорганџиите“ ова лето најверојатно ќе останат без Антоан Гризман, па веќе се во потрага по негова замена.

Првата желба на Симеоне беше Пауло Дибала, но Аргентинецот е премногу скап и конкуренцијата за неговиот потпис е многу голема.

Поради тоа Атлетико се насочил кон напаѓачот на ПСЖ, Едисон Кавани, а последните информации од Шпанија се дека клубот постигнал договор со Уругваецот.

Кавани во ПСЖ заработува 12 милиони евра по сезона, но се согласил во Мадрид да зема помала плата, а да добие подол договор. Притоа, голема улога во преговорите одиграл неговиот пријател Диего Годин.

Сега останува Атлетико да се договори со ПСЖ, а медумите пренесуваат дека „јорганџиите“ се спремни да платат 65 милиони евра за потписот на Кавани.

#premiumsport#MundoDeportivo: "#Atletico, #Dybala troppo caro: principio di accordo con #Cavani". https://t.co/dTwDO4PdzW

— PremiumSportHD (@PremiumSportHD) May 8, 2018