Арсен Венгер важи за тренер кој им дава шанса на млади таленти, а медиумите тврдат дека сега сака да донесе фудбалер кој нема професионално искуство и игра во седмата англиска лига.
Станува збор за 20-годишниот Коен Бремал, кој сега игра во седмата по квалитет лига во Англија, во тимот на Хеднесфорд таун и го нарекуваат „новиот Варди“.
До кога ќе дишеме отровен воздух!? | Уште еден поткаст
Скаутите на Арсенал го забележале додека бил на проба во Шефилд Венздеј, и веднаш му понудиле да дојде да одработи неколку тренинзи и со првиот тим на „Емирати“. Тој ги задоволил вкусовите на Венгер и најверојатно ќе му биде понуден професионален договор.
Бремал, кој настапува на позиција лево крило наскоро ќе биде прекомандуван во У23 тимот, каде за почеток ќе треба да стекне потребно искуство.
Во највисокиот ранг се почест е случајот кога екипите ангажираат полупрофесионалци, најпознат е примерот на Џејми Варди, а од најниските рангови започнаа и фудбалерот на Манчестер Јунајтед, Крис Смолинг, како и напаѓачот на Саутемптон, Чарли Остин.
Учество во игри на среќа е дозволено за лица со 18+ години. Играј одговорно!