Првото засилување на Јуве пристигна на прегледи!

Вчера ве информиравме дека Јувентус го договори првото зимско засилување, а станува збор за играчот за врска на Џенова, Томас Рнкон.

Репрезентативецот на Венецуела денес пристигна на медицински прегледи во Торино, а потоа треба да стави потпис на три и пол годишен договор.

Ринкон играше одлично во дресот на Џенова, познат е по својата борбеност на средината од теренот и на Апенините го споредуваат со Артуро Видал.

За него силен интерес покажуваше и Рома, но Јувентус успеа да ја добие битката и за потписот на овој 28-годишен фудбалер ќе плати 10 милиони евра.