Ливерпул – последниот тим кој го победил Реал во финале

Фудбалерите на Реал Мадрид на 26. мај во Киев ќе се обиде трети пат по ред да ја освои ЛШ, а еден детал е посебно интересен пред големиот дуел на Олимпискиот стадион.

Ривалот на Кралскиот клуб ќе биде Ливерпул, кој во сезоната 1980/81. во финалето на тогашниот Куп на шампиони го собвлада Реал Мадрид со 1:0, а воедно ова беше последниот пораз на Реал во борба за трофеј.

Шпанскиот гигант ги доби сите финалиња во Европските купови во последните 37 години.

Единствениот гол на 27. мај 1981. година во Париз го постигна Алан Кенеди во 82. минута и сигурно Кралевите ќе имаат мотив плус да се реваншираат на Црвените за овој неуспех.

Реал тогаш од клупата го предводеше легендарниот Вујадин Бошков, додека на клупата на Ливерпул седеше Боб Пејсли.