Раул: Мораме да бидеме претпазливи, Кил има квалитет да победи на гости

Вардар вчера успеа да запиша важна победа на гостински терен против силниот Кил 28:29 и така да обезбеди предност од еден гол за реваншот во Скопје.

Тренерот на Вардар кој од наредната сезона ќе го предводи Пари Сен Жермен и покрај победата повика на внимателност пред реваншот.

„Среќни сме поради победата, беше тешко да се игра во таква атмосфера. Кил има еден добар тренер и одлични играчи, но ние одлично го започнавме натпреварот. Одбраната скоро и да беше перфектна во првото полувреме, контранападот ни помогна навистина многу. Во второто полувреме имавме среќа. Мораме да бидеме претпазливи бидејќи Кил има квалитет да победи и на гостински терен“, изјави Ралу Гонзалес.