Стротман: Имаме посебна тактика за Салах, но не прашувајте детали

Кевин Стротман, фудбалерот на Рома, знае од каде доаѓа најголемата опасност кога е во прашање Ливерпул.

Рома во вторник гостува на Енфилд во првиот натпревар од полуфиналето во ЛШ, а сите очи се вперени кон Мохамед Салах. Најдобриот играч во Премиер лигата и прв стрелец во Европа е главниот адут на Црвените, но Стротман тврди дека и за него постои тактика.

„Изненаден сум колку постигна голови, но не сум изненаден како игра. Овде беше ноќна мора за противниците, а еве и во Англија ги работи истите работи. Има голема самодоверба, направи и во репрезентацијата голем успех.“ – изјави Стротман и додаде:

„Се надевам тоа нема да му успее против нас и дека ќе биде лош. Имаме посебна тактика за Салах, но нема да открија детали. Меѓу останатото, италијанската одбрана е добро позната во светот.“