Мендеш: Хамес Родригез останува во Реал!

Хамес Родригез неодамна призна дека не е среќен во Реал Мадрид и дека размислува за заминување од „Сантиаги Бернабеу“.

Тоа само ги засили шпекулациите за негов трансфер, а интерес за Колумбиецот покажаа неколку европски гиганти.

Сепак, неговиот агент Жорге Мендеш за шпанските медиуми потври дека Хамес Родригез во јануарскиот преоден рок ќе остане во Реал Мадрид.

„Хамес Родригез нема да оди никаде во јануари. Ќе остане во Реал Мадрид до крајот на сезоната“, потврди Мендеш.

Сепак, португалскиот супер-агент не ја исклучи можноста следното лето Колумбиецот дефинитино да го напушти „Сантиаго Бернабеу“.