Дрекслер е замена за Ди Марија: Аргентинецот веќе преговара со новиот клуб!

Иако се мислеше дека Јулијан Дрекслер пристигнува во ПСЖ како замена за Хесе, сепак медиумите тврдат дека Германецот најверојатно ќе биде замена за Ди Марија, кој е на излезна врата од клубот.

Ди Марија не е задоволен во Париз и сака да ја промени средината, а таквата ситуација сакаат да ја искористат кинеските клубови кои се спремни да го направат најплатен фудбалер во светот.

Имено, „Екип“ тврди дека неговиот менаџер Жорге Мендеш започнал преговори со кинески клуб кој е спремен да му понуди 30 милиони евра годишно на Ди Марија.

28-годишниот Аргентинец не може да остане имун на кинеските милиони и е спремен да ја прифати понудата, па со тоа ќе стане и официјално најскапо платениот фудбалер во светот.

Кинескиот клуб е подготвен да плати 60 милиони евра за неговиот потпис, сума која ќе ги задоволи барањата на „светците“, особено сега кога донесоа замена за Аргентинецот.