Ковач: Навистина немаше контакт, понудата од Баерн ја добив вчера

Нико Ковач се појави на првата конференција откако Баерн Минхен објави дека Хрватот на лето ќе биде новиот тренер на германскиот шампион.

„Пред една недела изјавив дека во тој момент немаше никакви контакти со Баерн. Тоа се промени вчера кога добив повик и понуда од Минхен“, изјави Ковач кој неодамна демантираше дека заминува од Франкфурт.

Тогаш тој изјави дека има намера да го одработи својот договор до летото 2019 година.

„Ја прифатив понудата, а потоа ги известив Фреди Бобиќ и Бруно Хубнер. Утрово ги известив и играчите, им објаснив дека сега јас не сум важен и дека се важни нашите цели оваа сезона. Тоа што се случи не смее и нема да влијае на следните натпревари. Ќе продолжиме да работиме како и до сега“, истакна Хрватот.

Die Pressekonferenz beginnt.?️ #Kovac über seinen Wechsel zum @FCBayern: "Vor einer Woche habe ich gesagt, dass es zu diesem Zeitpunkt keinen Kontakt zu Bayern München gibt. Das hat sich gestern geändert. Ich habe einen Anruf aus München samt Vertragsangebot erhalten."#SGE pic.twitter.com/ID7CLvzP5c

— Eintracht Frankfurt (@Eintracht) April 13, 2018