Јувентус не се откажува од Матиќ

Италијанските медиуми тврдат дека Јувентус го обновил интересот за српскиот репрезентативец Немања Матиќ и сака да го донесе во зимскиот преоден рок.

Тренерот Алегри смета дека Матиќ му е неопходен за напад на трофејот во Лигата на шампионите, па раководството ќе направи се за да му ја исполни желбата.

Сепак и „Тутоспот“ потенцира дека во целатат работа се прашува и менаџерот на „сините“, Антонио Конте, во чија концепција Матиќ е еден од клучните играчи.

Јувентус во јануарскиот преоден рок ќе мора да донесе барем еден играч во средниот ред бидејќи Лемина и Квадво Асамоа ќе бидат со своите репрезентации на Купот на Африка.

Иако трансферот на Аксел Витсел од Зенит е речиси завршена работа, Алегри смета дека му недостасува играч со карактерситики какви што поседува Србинот.

Сепак, трансферот на Матиќ е исклучително тешка мисија за „бјанконерите“ кои како алтернатива го „пикираа“ Стивен Н’Зонзи од Севиља.