Го сакаат Реал Мадрид, Ливерпул и ПСЖ, а сега се огласи неговиот агент

Еден од најбараните голмани на денешницата сигурно е чуварот на мрежата на Рома, Алисон.

Бразилецот е фантастичен на голот на „волчицата“ оваа сезона и сигурно помеѓу еден од најдобрите во светот, а интерес за неговите услуги до сега покажаа Реал Мадрид, Ливерпул и ПСЖ.

По повод интересот од големите европските клубови за италијанските медиуми зборуваше неговиот агент, Зе Марија.

„Алисон во овој момент е еден од најдобрите голмани во светот, па не е чудно што за него интерес покажаа Реал Мадрид, Ливерпул и ПСЖ“.

„Целосно е посветен на Рома, 100% е тука. Кога во прашање е неговиот договор тој целосно фокусиран на Серија А и Лигата на шампионите, не сака да мисли за неговата иднина. Имаме одличен однос со Рома и не е точно дека сме имале контакт со Ливерпул“, изјави агентот на голманот.