Мурињо тргнува по четири големи имиња

Неочекуваната елиминација во Лигата на шампиони од Севиља го натера Мурињо сериозно да размисува за реконструкција на тимот и нови засилувања.

Мурињо имал состанок со сопствениците на клубот и им открил дека сака четири нови фудбалери на лето, со цел следната сезона да се бори за титулата во Премиер лигата.

Како прво, Мурињо сака да ја засили одбраната каде во моментов е задоволен само од игфрите на Ерик Баи. Најголема желба на „Специјалниот“ е Самуел Умтити, а како алтернатива се споменува Тоби Алдервајлед од Тотенхем.

Односите помеѓу Мурињо и Погба во последно време се многу лоши, а доколку не дојде до подобрување, тогаш Французинот сигурно ќе биде продаден. Англиските медиуми тврдат дека како негова замена „црвените ѓаволи“ го сакаат Марко Верати, а голема желба за средниот ред е и Тони Крос.

Јасно е дека на Манчестер Јунајтед му се потребни значајни промени, а останува да видиме дали Мурињо ќе успее да ги донесе споменатите фудбалери на „Олд Трафорд“.