Проблеми за „ѓаволите“ – петмина играчи го пропуштија тренингот пред утрешниот реванш

Жозе Мурињо без петмина првотимци го водеше денешниот тренинг на Манчестер Јунајтед.

„Црвените ѓаволи“ утре ја пречекуваат Севиља во реваншот од осминафиналето во Лигата на шампионите. „Нулата“ на „Санчез Пизхуан“ секако е незгодно за фаворизираниот Манчестер Јунајтед кој доколку сака пласман во следната фаза ќе мора да победи.

Во овој натпревар избраниците на Мурињо влегуваат по победата над Ливерпул од 2:1 во градското дерби, но Португалецот ќе има одредени проблеми при склопувањето на тимот.

Имено, во понеделникот на тренингот во Карингтон не присуствуваа Пол Погба, Маркус Рохо, Дејли Блинд, Фил Џонс и Андер Ерера. Покрај овие лоши вести за „ѓаволите“ има и добри – се враќаат Ентони Марсијал и Златан Ибрахимовиќ.

„Не знам“, беше одговорот на Мурињо на прашањето дали Погба ќе биде спремен за настап против Севиља.