Полицијата издаде налог за апсење на газдата на ПАОК

Вчера на грчките фудбалски терени се случи голем инцидент на мечот помеѓу ПАОК и АЕК, во кој претседателот на домашниот тим, Иван Савидис, излезе на терен со пиштол.

Првиот човек на клубот од Солун на појасот има пиштол и бараше правда од главниот судија, па тој скандал стана главна тема во сите светски медиуми.

Денес грчката полиција издаде официјален налог за негово апсење и за четири други лица, кои исто така влегоа на теренот.

Мечот не го дочека својот крај и во прв момент заврши 0-0, но медиумите пишуваат дека судијата два часа по случувањата на теренот решил на зелена маса да го признае погодокот и во записникот напишал дека ПАОК го победил АЕК со 1-0.