Ова е еден од најбараните фудбалери: Го сака Сити, но е поблиску до Ливерпул!

Дефанзивецот на Шалке, Сеад Колошинац во зимскиот преоден рок ќе биде еден од најбараните фудбалери во Европа.

Босанскиот репрезентативец игра одлично оваа сезона во Бундес лигата, а неговиот договор со Шалке истекува на крајот на сезоната, па тој уште во јануари може да преговара со заинтересираните клубови.

Како што пренесуваат медиумите, нив ги има навистина многу. Многу клубови од Премиер лигата го сакаат 23-годишниот бек, а тој е најблиску до потпис во Ливерпул.

Јирген Клоп има потреба од лев бек и во Колошинац гледа идеално засилување на таа позиција, но ќе треба да се избори со конкуренцијата бидејќи Манчестер Сити исто така го сака фудбалерот.