Тренерот на Реал Мадрид, Зинедин Зидан нема причина за задоволство откако неговиот тим синоќа загуби од Еспањол со 1:0 во рамките на шпанската Ла Лига.
После низата добри резултати, Реал Мадрид синоќа запиша потполно неочекуван пораз поради кој Зидан беше видно разочаран.
Тој после натпреварот рече дека фудбалот понекогаш знае да биде вистинска мистерија.
„Што ни недостасуваше? Скоро се. Го започнавме првото полувреме доста добро и имавме шанси, но не успеавме да ги реализираме. Не ја игравме нашата игра во второто полувреме. Фудбалот може да биде мистерија. Мора да ги прифатите лошите моменти. После пет добри резултати и добри игри, не смеевме да го дозволиме ова. Не го заслуживме овој пораз, навистина боли.“ – изјави Зидан по натпреварот.
Коментари
Учество во игри на среќа е дозволено за лица со 18+ години. Играј одговорно!