Дома Фудбал Венгер се жали на судењето: Вториот гол беше офсајд

Венгер се жали на судењето: Вториот гол беше офсајд

Менаџерот на Арсенал, Арсен Венгер призна дека Манчестер Сити ја заслужил победата во финалето на Лига Купот, но се пожали на судењето.

„Ние не започнавме лошо, првата шанса беше за нас, но ја пропуштивме многу лесно. Потоа направивме голема грешка во ситуацијата во која Сити го постигна првиот гол. Сепак, мислам дека го контролиравме натпреварот до паузата“, рече Венгер.

„По паузата не бевме среќни, бидејќи вториот гол падна од офсајд, 100%. Но, јас ги поздравувам Сити, тие ја заслужија победата. Кога ќе изгубите, мора да прифатите критики. Се надевам дека брзо ќе го надминеме овој лош резултат и ќе се фокусираме на нашите перформанси во Премиер лигата“, заклучи Французинот.

„Се разбира, кога ќе изгубите 0:3, треба да размислите како да се однесувате подобро во одбраната. Но, во долги периоди на натпреварот, ние стабилно се браневме. Тогаш губевме концентрација, а против силните ривали тоа се казнува“, додаде Венгер.

Коментари
Прочитајте поврзани статии
Load More In Фудбал

Проверете

Од мундијалски бараж до година без победа: тежок биланс за Македонија

Македонската сениорска селекција ја завршува 2026 година со две ремија и осум порази. Седу…