„Марка“ анализа: Зошто Барса не игра како што се очекува?

Марка на својот портал направи опширна анализа во која се споменуваат некои од причините поради што Барселона не е ефикасна како почетокот на сезоната, а ние ви ги издвојуваме најважните.

Јасно е дека екипата не е ефикасна пред голот на противникот како на почетокот на сезоната. Пред голот против Челзи, Лео Меси не постигна гол на претходните пет натпревари. 11 гола на осум натпревари во некоја рака и не е импресивна статистика.

Повеќето од головите на Барса се засновани на акциите на Меси или Иниеста, додека главните засилувања до сега не се покажаа во добро светло. Дембеле не постигна ниту гол, додека Кутињо само еднаш се запиша во листата на стрелците. Паулињо не е ниту блиску од својот голгетерски учинок од почетокот на сезоната.

Исто така, во текстот се наведува дека Валверде не ја користи клупата често. Денис Суарез не е во плановите на стратегот, додека Пако не добива голема минутажа. Заморот е една од главните причини за „лошата“ форма на Барселона. Имено, јануари и февруари беа особено тешки за тимот и тоа се одрази на резултатите.