Милан го менува Хрватот со Босанец: Џеко се сели на „Сан Сиро“

Италијанските медиуми пренесуваат дека Милан во текот на летниот преоден рок ќе се обиде да го донесе напаѓачот на Рома, Един Џеко.

На Милан му треба напаѓач кој во Серија А сигурно ќе постигнува од 15 до 20 голови по сезона, а решението го гледаат токму во дијамантот на Босна.

Никола Калиниќ не ги оправда очекувањата и најверојатно на крајот на сезоната ќе го напушти „Сан Сиро“, а негова замена би требало да биде Един Џеко.

Џеко и во зимскиот преоден рок беше на чекор од заминување од Рома, а медиумите на Апенините тврдат дека „росонерите“ се спремни да платат 25 милиони евра за неговите услуги.

Притоа, Милан е спремен да му понуди плата од 6 милиони евра по сезона и да го направи втор најплатен фудбалер во тимот после Леонардо Бонучи.

Познато е дека Џеко е голем фан на Милан уште од мали нозе, па сигурно дека со задоволство ќе го облече „црвено-црниот“ дрес.