Баерн Минхен го откупува договорот на Хамес Родригез

Германските медиуми пренесуваат дека Баерн Минхен ќе ја активира клаузулата во договорот на Хамес Родригез и целосно ќе го откупи Колумбиецот.

„Билд“, кој традицонално е упатен во трансфер политиката на баварскиот гигант, тврди дека Баерн е многу задоволен од Родригез и сака да направи се што може за да го задржи во своите редови и по истекувањето на договорот за двегодишна позајмица од Реал Мадрид.

Токму поради тоа, баварскиот клуб сака да ја искористи клаузулата во договорот, според која за 45 милиони Баерн може да го задржи 26-годишниот играч за врска во Минхен.

Минатото лето Баерн плати 10 милиони за негова позајмица, а Хамес Родригез годишно заработува 8 милиони евра во Минхен.