Барса два пати се обидела да го донесе Рабио

Каталонскиот весник „Мундо Депортиво“ открива дека ѕвездата на ПСЖ, Адриан Рабио во два наврати бил блиску до трансфер во Барселона.

Кога Луис Енрике беше тренер на тимот и Андони Зубизарета беше спортски директор, Каталонците покажале интерес за играчот од средниот ред. Но, тогаш Рабио бил амбициозен да игра во првиот тим, а од „блауграна“ не можеле да му го гарантираат тоа.

Вториот случај беше во летото 2017 година. Кога стана јасно дека ПСЖ и Барса нема да се договорат за Марко Веррати, Каталонците се обиделе да го донесат Рабио, но францускиот клуб ја одбил понудата.

Синоќа 22-годишниот Французин беше еден од најдобрите поединци на ПСЖ против Реал Мадрид и одигра одличен натпревар на „Сантиаго Бернабеу“.