„Дон Балон“ тврди: Дербито на Манчестер за фудбалерот на Барселона!?

Градските ривали Манчестер Сити и Манчестер Јунајтед во летото кое е пред нас би можеле да водат голема борба на трансфер пазарот.

Шпанскиот „Дон Балон“ пренесува дека Пеп Гвардиола и Жозе Мурињо се заинтересирани во своите редови да го видат фудбалерот на Барселона, Иван Ракитиќ.

Според овој медиум Ракитиќ веќе добил понуди од Сити и Јунајтед, но и имал разговори со Мурињо и Гвардиола.

Како причина поради која Хрватот би можел да го напушти „Ноу Камп“ се наведуваат се подобрите настапи на Серхио Роберто и доаѓањето на Фелипе Кутињо.

Ракитиќ оваа сезона одигра 35 натпревари во кои постигна три погодоци и запиша четири асистенции. Неговиот договор со Барселона истекува во 2021 година.