Барса новото засилување го испраќа на позајмица во Милан?

„Росонерите“ би можеле да добијат големо засилување во средниот ред.

Како што пренесуваат италијанските медиуми повикувајќи се на свои извори од Шпанија, Милан наредното лето би можел да добие засилување во период од две години од редовите на Барселона.

Имено, познато е дека Барса е блиску до договор со фудбалерот на Гремио, Артур.

Овој трансфер би требало да се реализира на лето, сепак Каталонците веќе имаа тројца играчи кои немаат пасош од ЕУ, додека Милан има право секоја година да ангажира двајца фудбалери кои немаат пасош од Европската Унија.

Така Артур после потпишувањето на договорот со Барселона би можел веднаш да биде испратен во Милано каде што би настапувал како позајмен фудбалер на две години.

„Росонерите“ за оваа позајмица на 22 годишниот фудбалер за врска би требало да уплатат сума од пет милиони евра.