Роналдо за Нејмар: Има се што е потребно за да ја освои „Златната топка“

Бразилската фудбалска легенда, Роналдо го искажа своето мислење за својот сонародник од ПСЖ, Нејмар.

Според Роналдо, Нејмар е среќен во Париз и има се што му е потребно за да стане најдобар во светот.

„Не сум разговарал со Нејмар, но сметам дека е среќен во Париз, сигурен сум дека има се што му е потребно. Париз е неверојатен град, а неговиот тим игра одлично. Кога е слободен и среќен тогаш игра одлично и постигнува прекрасни голови, тој знае како да ги забавува навивачите“.

„Се приближува до освојување на „Златната топка“. Но, освојувањето на оваа награда зависи и од успехот на тимот. Оваа година ќе биде важна за него, но и за Бразил. Доколку постигнеш гол во финалето на СП тогаш имаш големи шанси да бидеш најдобар играч на турнирот, а со тоа многу лесно би стигнал и до „Златната топка“, смета Роналдо кој сигурно најдобро знае како се освојуваат најголемите награди.