Победа испиша историја: Жена претседател го презеде прволигашкиот клуб!

За првпат во историјата на македонскиот фудбал, жена ја презеде претседателската функција во клуб.

Имено, станува збор за Ирена Јакимоска, која е косопственичка на „Комфи Ангел“, а е поставена за в.д. претседател на Победа од Прилеп.

Клубот по денешниот состанок донесе одлука на местото на Гоце Ингилизов кој досега раководеше со клубот, привремено да ја назначи на таа позиција Јакимоска.

Победа вечерва најави дека утре во 18 часот на прес-конференција ќе објави повеќе информации од состанокот, новиот претседател и новите клупски активности по промените што се случуваат во клубот.