Или многу сонуваш, или не знаеш што сонуваш! Санчез испадна смешен

Алексис Санчез вчера и официјално стана играч на Манчестер Јунајтед и го облече дресот со легендарната „седумка“.

Чилеанецот не го криеше воодушевувањето за тоа што ќе игра, како што рече „во најголемиот англиски клуб“, а на претставувањето изјави дека уште како мал сонувал да заигра за Манчестер Јунајтед.

„Уште како дете мојот сон беше да играм за Манчестер Јунајтед“.

Познато, зарем не? Медиумите веднаш го потсетија дека истото тоа го кажа и кога пристигна во Арсенал во 2014 година.

„Уште кога бев мал посакував да играм за Арсенал“, рече Санчез во 2014 година.

Нешто силично беше и кога го облече дресот на Барселона.

„Ова е остварување на мојот сон, уште како дете сонував да играм за Барелона. Ова е најголемиот клуб на светот“, беа зборовите на Санчез во 2011 година.

Па одлучи се веќе еднаш, или многу сонуваш!?!