Бешикташ „полуде“ по Манџукиќ

Како што пренесуваат италијанските медиуми турскиот шампион Бешикташ е спремен на се за да го доведе Марио Манџукиќ во своите редови, но Јувентус нема намера да го пушти својот „војник“.

Бешикташ неодамна остана без Ченк Тосун кој е продаден во Евертон, а раководството на истанбулскиот гигант во Манџукиќ гледа идеална замена.

Турскиот клуб доставил нова понуда до Јувентус, но италијанскиот шампион експресно ја одбил истата, а и самиот фудбалер не е заинтересиран за преселба во Турција.

Сепак, Бешикташ нема да се откаже и наскоро ќе испрати нова побогата понуда до Манџукиќ, како и ветување дека ќе игра на неговата омилена позиција, во центарот на нападот.