Иско може да бира: Пристигнуваат понуди од сите страни!

Како што пренесуваат шпанските медиуми, фудбалерот на Реал Мадрид Иско преку својот менаџер добил три понуди кои тешко дека ќе може да ги одбие.

Наводно за фантастичниот плејмејкер се силно заинтересирани Манчестер Сити, Јувентус и ПСЖ и сите три клуба се спремни да му понудат на Иско многу поголема плата од онаа која ја заработува во Реал.

Сепак, прашање е дали „кралевите“ ќе прифатат да се разделат од шпанскиот репрезентативец кој во последно време се наметна како еден од најважните фудбалери во тимот.

Иско во Реал пристигна во 2013 година од Малага, па иако во прво време не добиваше голема минутажа, сепак во последната година конечно го доби статусот кој го заслужува.