Погба: Не жалам што го избрав Манчестер пред Реал Мадрид

Ѕвездата на Манчестер Јунајтед, Пол Погба откри дека навистина имал понуда од Реал Мадрид минатото лето кога го напушташе Јувентус.

Французинот откри дека дури бил многу блиску до ја прифати понудата на „кралевите“, но преферирал преселба на „Олд Трафорд“ и не жали за својот избор.

„Ако треба да бидам искрен, имав понуда од Реал Мадрид, разговаравме и бев спремен да се преселам во Мадрид, но мислев и на Манчестер Јунајтед. Сепак, срцето ми велеше дека треба да го изберам Јунајтед. Не знам зошто, но го послушав срцето. Не жалам што го избрав Јунајтед, никогаш не жалам за својот избор“, изјави Погба.

Погба после 5 години престој во Јувентус се реши да се врати на „Олд Трафорд“ и тоа за рекордна сума во тој момент од 105 милиони евра.