Диего Коста брои „ситно“ – Познато кога ќе дебитира најголемото засилување на Атлетико!

На пролет никој не смее да го отпише Атлетико Мадрид.

Диего Коста брои „ситно“, наскоро ќе биде спремен за ново деби во црвено-белиот дрес.

Откако беа објавени термините за одигрување на првите натпревари од осмина финалето во шпанскиот куп, навивачите на Атлетико не можат да дочекаат само едно – Диего Коста повторно да заигра во дресот на „јорганџиите“.

Имено, првиот натпревар во новата година Атлетико ќе го одигра против Лиеда во шпанскиот куп на трети јануари, а Диего Симеоне е спремен во тој натпревар да им даде шанса на Коста и Витоло.

За разлика од Витоло кој есента ја поминува во Лас Палмас, Диего Коста веќе 77 дена само тренира со својот поранешен и сегашен клуб, па без сомневање тој ќе биде одлично засилување за Атлетико.