
Фенербахче останува без двајца важни кошаркари во внатрешната линија. Николо Мели и Бракстон Ки мораа на операции, а информациите за нивното можно отсуство најавуваат сериозен проблем за турскиот шампион.
Клубот соопшти дека хируршките интервенции поминале успешно. „Еурохупс“, пак, објави дека за двајцата се очекува пауза од шест до осум месеци.
Кај Мели била извршена артроскопија на левото колено поради скинат менискус. Ки бил опериран по отворената скршеница на средниот прст на десната рака.
Oyuncularımız Nicolo Melli ve Braxton Key’in sağlık durumları hakkında bilgilendirme
Oyuncularımızdan Nicolo Melli, menisküs yırtığı nedeniyle sol dizinden artroskopik operasyon; Braxton Key ise sağ el 3. parmağındaki açık kırık nedeniyle cerrahi müdahale geçirmiştir.
Ameliyatları başarıyla tamamlanmış olan oyuncularımıza geçmiş olsun dileklerimizi iletiyor, en kısa sürede sağlıklarına kavuşmalarını diliyoruz.
— Fenerbahçe Tarfin Erkek Basketbol (@FBBasketbol) November 18, 2026
Нивното отсуство ги намалува опциите на Шарас под кошевите. Двајцата првенствено ја покриваат крилната центарска позиција, но добиваат минути и како центри, особено Мели.
И бројките покажуваат колку се значајни за ротацијата. Ки е најдобриот скокач на Фенербахче со 4,7 скока по натпревар, на кои додава 7,8 поени за речиси 22 минути на паркетот.
Мели, кој има 35 години, сезонава бележи 4,8 поени и 4,4 скока за нешто повеќе од 20 минути. Со тој просек на скокови е веднаш зад Ки, израмнет со Бингам и Шилдс. Неговиот придонес е особено важен и во одбраната, при преземањата по блоковите.
Ниту Мели ниту Ки не настапија во убедливата победа на Фенербахче над Асвел со 115-81.