Наместо мирно да започне акција откако ја фати топката, Езекиел Бахер му подари гол на противникот. Голманот на Комуникасионес беше во центарот на необична ситуација во аргентинската Примера Б, со автогол што го одбележа дуелот со Арсенал Саранди.
Се играше само третата минута од четвртфиналниот натпревар во плејофот кога домашниот чувар на мрежата се обиде да изведе финта. Ја имаше топката во рацете и сакаше да симулира додавање, но наместо да ја задржи контролата, направи грешка.
При движењето со кое сакаше повторно да ја повлече топката кон себе, таа му се лизна од раката и заврши зад него, во неговиот гол. Обидот да го надмудри противникот така се претвори во неочекуван подарок за гостинскиот состав.
Комуникасионес на крајот го загуби натпреварот со 2-3, па киксот на Бахер доби уште поголема тежина. Арсенал Саранди си замина со победа од гостувањето и со предност пред реваншот.
За домаќините останува потешкиот дел: во вториот натпревар ќе треба да ја надоместат негативата за да го продолжат настапот во плејофот. Во продолжение погледнете како Бахер несреќно ја испрати веќе фатената топка во сопствената мрежа.
😳🇦🇷 EL GOL EN CONTRA DEL ARQUERO DE COMUNICACIONES CONTRA ARSENAL. INSÓLITO. ❌ https://t.co/wMLZ1TgBvK— Sudanalytics (@sudanalytics_) November 14, 2026
Фото: U.S. District Court for the Southern District of New York. 1814 / Wikimedia Commons, Public domain
Учество во игри на среќа е дозволено за лица со 18+ години. Играј одговорно!