Последниот обид на Карл-Ентони Таунс не заврши во кошот, а Индијана можеше да здивне. Пејсерс на свој терен славеа со 106:104 против Њујорк и им го нанесоа вториот пораз на Никс во исто толку настапи во групата од НБА купот.
Меѓу најзаслужните за победата беше Ивица Зубац, кој оствари 12 поени и 13 скока. Хрватскиот центар помина помалку од 26 минути на паркетот, а додаде и по една асистенција и блокада. Посебно се истакна со забивање преку Андре Драмонд и со блокада врз Таунс.
Натпреварот понуди две големи враќања на гостите. Индијана во финишот на третата четвртина водеше со 85:74, но Њујорк нанижа десет поени без одговор и пред последниот период ја сведе разликата на само еден поен.
Домаќините повторно се одлепија, овојпат на 106:98, но ниту таа предност не им обезбеди мирна завршница. Џејлен Брансон на 26 секунди до крајот погоди за 106:102, по што Паскал Сијакам ги промаши двете слободни фрлања. Микал Бриџис го искористи тоа и на десет секунди пред сирената го доближи Њујорк на само два поена.
Пејсерс потоа ја загубија топката и им оставија на Никс шанса за продолжение. Одговорноста ја презеде Таунс, но неговиот шут од полудистанца во последната секунда беше непрецизен.
Сијакам ја предводеше Индијана со 19 поени, Арон Несмит постигна 18, а Кели Убре јуниор додаде 16. На спротивната страна, Брансон заврши со 33 поени и 11 асистенции. Таунс запиша 23 поени и 15 скока, додека Бриџис придонесе со 18 поени, недоволни за прва победа на Њујорк во групата.
Фото: Index.hr
Учество во игри на среќа е дозволено за лица со 18+ години. Играј одговорно!